TOO COOL FOR SCHOOL 眼線液

要化一個簡單而有神彩既妝, 眼睛係好重要架~
但係畫眼線都需要技巧~

最近花兒經同事介紹之下, 試左韓國新興牌子 TOO COOL FOR SCHOOL 既眼線液~

一試之後, 已經愛上=]

TOO COOL FOR SCHOOL 眼線液好易畫, 新手既朋友仔就最岩喇!!

因為佢既筆頭唔會堆住太多既液體, 當畫左幾下無顏色之後,

只要按一下頂部(就好似按鉛芯筆一樣), 就會有眼線液流出筆頭~ 

既方便又大大減低漏墨既機會~

除左覺得佢容易handle 之外, 佢仲有一個優點就係唔易溶化~
自問自己雙眼皮位比較摺得勁, 所以好易出油, 用呢隻眼線液都無化開~
所以都真係值得推介~

呢個牌子係香港雖然已經陸陸續續都開緊分店,

但我去過問, 原來香港既專門店都仲未入貨~ 所以趁有朋友仔去韓國, 就拜託買左幾支返黎~
今次, 我就買左藍色, 灰色同啡色3隻顏色試下~
兌返港紙,  約$100一支左右~ 價錢合理~ 有機會大家都可以一試呢!!